Abdi nyerat ieu ngangge basa sunda supados teu ditiron ku gramedia.
***
Upami dietang-etang, jalmi-jalmi nu hirup di dunya ieu teh kinten-kinten 7 milieur saurna internet mah. Tos mangrupi-rupi pidamelan dilakonan ku mangpirang-pirang jalmi ti sabudeureun planet bumi. Pitaroseun ayeuna mah, kumaha hirup genep taun ka hareup, puluhan taun ka hareup? Anak incu arurang kumaha?
Titingalian jaman kiwari, abdi sok ngahayal anu tungtungna teh sok seueur pitarosan ka diri nyalira. Misalna, pas nuju nenjo pelem worwarzet (wwz). Dicarioskeun yen zombie teh panyawat. Tapi pami ditingali di tungtung pelem, eta aya scene si jombi teh dibakar, dibinasakeun masal. Ke heula.. pas di scene ieu, abdi gaduh pamikiran : upami leres di taun-taun ka payun jalmi teh kacida seueurna, sareng nyababkeun konflik sosial, hiji cara anu panggampilna tur pangenggalna nyaeta jumlah manusana kedah dikirangan ku cara isu jombi, panyakit, atawa nu mindeng disebat ku senjata biolohis.
Kamari-kamari abdi nyaksenan aya pidio run for your lives. Nyaeta hiji hajatan lulumpatan mung nu ngariringanna teh didangdosan sapertos jombi. Beksonna oge aya lagu .."radioactive..radioactive..". Na leres kitu ieu hajat teh perkawis simulasi pami senjata biolohis eta teh janten kanyataan?
Atanapi, kumaha pami otak manusa teh tiasa dikendalikeun ku batur. Da jaman ayeuna kan seueur nu ngakses internet. Tiasa ti hape atanapi laptop. Apanan tiasa wae tina eta internet teh dikintunkeun mangrupa gelombang anu dugi ka otak manusa. Gelombang nu lebet kana otak eta teh kanggo 'ngendalikeun' pikiran, kahoyong, napsu, jeung sajabana anu hubunganna sareng otak. Teras dina hiji waktu nu tos ditangtoskeun, eta kendali otak manusa teh diaktifkeun nu matak seueur jalmi anu silihbunuh, silihbacok, jeung kalakuan nu teu manusiawi sanesna. Naudzubillahimindzalik nya barudak..
Kumargi kitu, hayu atuh urang sosonoan sareng batur teh. Ulah raribut wae ku perkara alit. Ssabilulungan dasar gotong royong. Ti kapungkur ge manusa mah tos kodratna hirup sasarengan. Tujuan hirup ge nyaeta kanggo urang bekel ka aherat da dunya mah moal dicacandak. Jeung hiji deui. Kedah teterasan emut ka Gustu Alloh Nu MahaAgung. Sagalarupina tangtos aya jalanna. Jalmi mah ngan ukur tiasa ikhtiar sareng ngadoa mugia hirup di dunya teh aya barokahna. Aaamiiin
***
Ieu carita ngan sakahoyong penulis. Hapunten pami aya lepat nu kapihatur, pami seuuer cariosan anu seukeut kana manah atanapi aya eusi nu mahiwal.
No comments:
Post a Comment